Այս պահին Երևանում sett-weather
Փոխարժեքներ 12 06 2025
USD ⚊ $ 384.44
EUR ⚊ € 434.11
RUB ⚊ ₽ 4.8278
GBP ⚊ £ 515.15
GEL ⚊ ₾ 140.51
կարևոր
0 դիտում, 7 տարի առաջ - 2017-11-06 23:10
Տնտեսական

Այս շաբաթ 10 ճանապարհահատվածների համար մրցույթներ կհայտարարվեն

Այս շաբաթ 10 ճանապարհահատվածների համար մրցույթներ կհայտարարվեն

ՀՀ տրանսպորտի, կապի և տեղեկատվական տեխնոլոգիաների նախարարությունում նոյեմբերի 6-ին տեղի ունեցավ Կենսական նշանակության ճանապարհացանցի բարելավման ծրագրի լրացուցիչ ֆինանսավորման շրջանակներում առաջիկայում նախատեսվող մրցույթների անցկացման վերաբերյալ ճանաչողական հանդիպում։ Այն կազմակերպել էր նախարարության «Տրանսպորտային ծրագրերի իրականացման կազմակերպություն» ՊՈԱԿ-ը և նպատակ ուներ հետաքրքրված կազմակերպություններին ծանոթացնելու մրցույթների ընթացակարգերին, ինչպես նաև էլեկտրոնային գրանցման «ARMEPS» համակարգին, որում նախապես գրանցված լինելը մրցույթներին մասնակցելու պարտադիր պայման է։

 «Տրանսպորտային ծրագրերի իրականացման կազմակերպություն» ՊՈԱԿ-ի տնօրենի պաշտոնակատար Վարդան Կարապետյանը, մանրամասնելով գործընթացը, նշեց, որ այս շաբաթ արդեն նշված ծրագրի շրջանակներում 10 ճանապարհահատվածների համար մրցույթներ են հայտարարվելու։ Հիմնանորոգման ենթակա 59,8 կմ ընդհանուր երկարությամբ ճանապարհները ներառում են Արարատի, Արագածոտնի, Տավուշի, Վայոց ձորի, Շիրակի, Սյունիքի մարզերը։ Նա հույս հայտնեց, որ մրցույթների արդյունքներով կընտրվեն արհեստավարժ շինարարներ: 
 
Հանդիպմանը ներկա 18 շինարարական կազմակերպությունների ներկայացուցիչներին ներկայացվեցին ԾԻԳ-ի գործունեությունն ու դրա վերահսկողության ներքո գտնվող շինարարական ծրագրերը։ Ներկաներին լիարժեք տեղեկություն տրամադրվեց էլեկտրոնային գրանցման «ARMEPS» համակարգի, դրա նպատակների, գրանցման եղանակների, ինչպես նաև մրցույթների անցկացման հետ կապված մի շարք այլ հարցերի վերաբերյալ։
 
Հանդիպման ընթացքում բազմաթիվ հարցեր հնչեցին, որոնց տրվեցին սպառիչ պատասխաններ։
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը