Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Աղբյուրը՝ aztagdaily
1 նոյեմբեր 2017-ի երեկոյեան, Արամ Ա. վեհափառ հայրապետին այցելեց Սէուտական Արաբիոյ իշխանութեան ներկայացուցիչ եւ Վիեննայի մէջ հաստատուած Ապտալլա Բ. թագաւորի անուան կեդրոնի տնօրէն դոկտ. Ֆէյսալ Պըն Մուամմար` ընկերակցութեամբ ութ անձերէ բաղկացած բարձրաստիճան պատուիրակութեան մը: Նշենք, որ դոկտ. Մուամմար նախապէս դիւանապետն էր Ապտալլա Բ. թագաւորին եւ ապա նշանակուեցաւ Վիեննայի մէջ թագաւորին կողմէ հինգ տարիներ առաջ հաստատուած կրօններու, մշակոյթներու եւ քաղաքակրթութիւններու երկխօսութեան միջազգային կեդրոնին:
Հանդիպման ընթացքին քննարկուեցան ընդհանրապէս քրիստոնեայ-իսլամ երկխօսութեան առնչուած այժմէական հարցեր եւ յատկապէս Միջին Արեւելքի մէջ կրօնական ղեկավարներու միջեւ երկխօսութեան ու գործակցութեան հոլովոյթներ ստեղծելու կարելիութիւնները: Դոկտ. Մուամմար, որ մօտէն ծանօթ է վեհափառ հայրապետին, բարձր գնահատեց անոր բերած նպաստը շրջանին մէջ համակեցութիւնը ամրապնդող աշխատանքներուն: Արամ Ա. կաթողիկոս, իր կարգին, դրուատեց կրօններու եւ մշակոյթներու միջեւ խաղաղ գոյակցութիւնը ամրապնդելու ձգտող կեդրոնին նախաձեռնութիւնները: