Ավելի արդարացի կլիներ, որ Սվիտալսկին մատնանշեր դրական տեղաշարժերը. Շարմազանով

Այսօր տեղի է ունեցել հերթական ՀՀԿ ԳՄ նիստը: Նիստի  ավարտից հետո ՀՀԿ խոսնակ Էդուարդ Շարմազանովը նշեց, որ քննարկել են կառավարության ծրագիրը, որն իր մեջ ներառում է ՀՀ նախագահի մայիսի 18-ի ծրագրային ու հայեցակարգային դրույթների թիրախները:

Շարմազանովն անդրադարձավ ՀՀ-ում ԵՄ դեսպան Պյոտր Սվիտալսկու հայտարարություններին: Նշենք, որ նա այսօր բողոքել էր ռեյտինգային ընտրակարգից` մեջբերելով ՍԱՍ-ի Արտակի անվան հետ կապված աղմկահարույց միջադեպը: Նա նաև դժգոհել էր Հայաստանում առկա կոռուպցիոն երևույթներից` կարծիք հայտնելով, որ ԿԸՀ-ի կազմը պետք է փոխվի, քանի որ այդ կազմին հասարակությունը չի վստահում:

Շարմազանովի խոսքով` ավելի արդարացի կլիներ, որ պարոն դեսպանը մատնանշեր այն դրական միտումներն ու բարեփոխումները, որ եղել են ու կան ՀՀ ընտրական համակարգում, և որոնք իրականացվել են ԿԸՀ մասնակցությամբ, այլ ոչ թե գնահատականներ հնչեցներ ՀՀ ներքաղաքական կյանքի վերաբերյալ: