Գերմանիայի իշխանությունները որոշել են տուգանել սոցցանցերին ֆեյքերի և ագրեսիա պարունակող հաղորդագրությունների համար

Գերմանիայի կառավարությունը չորեքշաբթի հավանության է արժանացրել մինչև 53 միլիոն դոլարի չափով տուգանքների սահմանումը սոցցանցերի դեմ, որոնք չեն հեռացնի ատելություն հրահրող հաղորդագրությունները և ֆեյքային նորությունները օգտատերերի բողոքներից հետո. հայտնում է BBC-ի ռուսական ծառայությունը:

«Ատելության հողի վրա հանցագործությունները, որոնց դեմ պայքարում են ոչ արդյունավետ կերպով, հսկայական վտանգ են ներկայացնում ազատ, բաց և ժողովրդավարական հանրության խաղաղ միասնության համար»,- ասված է կառավարության հայտարարությունում:

Այն բանից հետո, երբ 2015-ին Գերմանիա է ժամանել մեկ միլիոնից ավելի ներգաղթյալ,  սոցիալական ցանցերում թշնամություն առաջացնող հաղորդագրությունների քանակը զգալիորեն մեծացել է: