Ոչ բոլոր դեպքերում է արդարացված տեղեկություն տարածելու անհրաժեշտությունը. Սենոր Հասրաթյան

«Երբ լրագրությունը վեր է ածվում շարքային գրագրության, իսկ չեղածը եղածի տեղ ներկայացնելը՝ մի կտոր հաց (կարելի է ընկալել որպես՝ աշխատավարձ) վաստակելու միջոց, նշանակություն չունի, թե որ դարում ենք ապրում՝ 21-րդ, թե,,,Լրագրողին, առավել ևս՝ լայնածավալ պատերազմի վերսկսման վտանգ ապրող երկրի լրագրողին, պահանջված է հասկանալ գոնե մի բան՝ ոչ բոլոր դեպքրում է արդարացված ցանկացած գնով կամ միջոցով տեղեկություն (մանավանդ ռազմական բնույթի) հայթայթելու և տարածելու անհրաժեշտությունը: Համոզված չեմ, որ սա պիտի ասեի, բայց չէի կարող չասել,..»,- ֆեյսբուքյան իր էջում գրառում է կատարել Արցախի ՊԲ մամուլի քարտուղար Սենոր Հասրաթյանը:

Նշենք, որ այսօր Shamshyan.com-ը տեղեկություն էր հրապարակել /լուրը հետո հեռացվեց կայքից, թե իբր Արցախի Պաշտպանության նախարար Լեւոն Մնացականյանը առաջնագծում վիրավորում է ստացվել, ինչը հետո հերքվեց: