Խանջյան փողոցում քաղաքացին սպառնում է ցած նետվել վերամբարձ կռունկից. 1 միլիոն դրամ վարկ է ուզում

Մարտի 3-ին` ժամը 12:10-ին, ահազանգ է ստացվել, որ քաղաքացին գտնվում է Երևան քաղաքի Խանջյան փողոցում` ամբարձիչ կռունկի վրա, ցանկանում է ինքնասպանություն գործել` ցած նետվելով:

Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական խորհրդատվության գծով հրահանգիչը:

Ըստ Tert.am–ի՝ Երևան քաղաքի Խանջյան փողոցում ամբարձիչ կռունկի վրա բարձրացած քաղաքացին գտնվում է ծանր սոցիալական վիճակում և պահանջում է վարկ՝ 1 մլն դրամի չափով։ Նա տաքսու վարորդ է, անչափահաս երեխաների հայր: Օրավարձով մեքենա է վերցրել, «տաքսու տակ քշել», սակայն մեքենան վթարի է ենթարկվել, իսկ մեքենայի տերը պահանջել է գումարը կամ մեքենան: