Ադրբեջանը հրաժարվում է իր գերուց

Ադրբեջանի ՊՆ-ն հայտարարել է, որ Ղարաբաղում գերի վերցված Էլնուր Հյուսեին Զադեն երկրի ԶՈՒ շարքերում չէ. հայտնում է Интерфакс-ը:

Ադրբեջանական կողմի պնդմամբ`զինծառայողը պարբերաբար խախտել է կարգապահությունը և ներկայումս դասալիք է:

Հիշեցնենք, որ փետրվարի 1-ին` ժամը 15.00-ի սահմաններում, ղարաբաղա-ադրբեջանական հակամարտ զորքերի շփման գծի հյուսիսային (Թալիշ) ուղղությամբ հակառակորդը, օգտագործելով եղանակային մառախլապատ պայմանները, ձեռնարկել է հետախուզադիվերսիոն ներթափանցման փորձ: Կազմակերպված հակադիվերսիոն գործողության արդյունքում՝ առաջնագիծը պաշտպանող հայկական ուժերին հաջողվել է գերեվարել ադրբեջանական բանակի զինծառայող` 1995թ. Բարդա քաղաքում ծնված Էլնուր Հյուսեին Զադեին: