Ադրբեջանը չի հրաժարվում բանակցություններից

Ադրբեջանի չի հրաժարվի Ղարաբաղյան հակամարտության կարգավորման բանակցություններից. այսօր, ըստ ադրբեջանական Trend գործակալության, հայտարարել է Ադրբեջանի արտգործնախարար Էլմար Մամեդյարովը:

«Ես տեղեկություններ չունեմ Հայաստանի եւ Ադրբեջանի հաջորդ հանդիպման մասին: Այդ մասին տեղեկացել եմ մամուլից: Կարող եմ հաստատել, որ Ադրբեջանը պատրաստ է շարունակել բանակցությունները»,- ասել է նա:

Նախարարի խոսքերով` այսօրվա դրությամբ շատ բան է արվել խաղաղ գործընթացում: «Ես չեմ ցանկանում, որ որեւէ մեկը քարոզչությամբ զբաղվի` հայտարարելով, թե Ադրբեջանը հրաժարվում է բանակցություններից: Կարգավորումը պետք է կատարվի փուլերով` Մադրիդյան սկզբունքների հիման վրա»,- ասել է Մամեդյարովը:

Նա համոզմունք է հայտնել, որ կգա ժամանակը եւ «հայկական զորքերը դուրս կբերվեն Ադրբեջանի օկուպացված տարածքներից»: