«Արդի». ստեղծվել է մանկական նոր տառատեսակ

Համազգային հայ կրթական և մշակութային միությունը հանդես է եկել նոր նախաձեռնությամբ. համացանցում հայերենի տարածումը խթանելու և նոր սերնդի հայերենի ճանաչողության մակարդակը բարձրացնելու նպատակով թողարկվել է  մանկական «ԱՐԴԻ» անվանումով նոր ձեռագիր տառատեսակ:  Այն կարելի է օգտագործել մանկական հրատարակություններում CoralDraw, Quarkxpress, Indesign, Illustrator, Photoshop և այլ տպագրական ծրագրերի համար:

«ԱՐԴԻ» տառատեսակի օգտագործումը դասագրքերի, կրթական այլ ձեռնարկների տպագրության համար երեխային հնարավորություն կտա հայերեն տառերը տեսնել այնպես, ինչպես սովորել է դպրոցում, ինչպես նաև կապահովի այդ ձեռնարկների և «ԱՐԴԻ» գործիքներում զանազան խաղերի համար օգտագործվող տառատեսակների միանմանությունը: 

«ԱՐԴԻ» տառատեսակը կարելի է ներբեռնել անվճար`այցելելով Համազգային հայ կրթական և մշակութային միության կայքէջ` http://www.hamazkayin.com/arti/