Եվրոպայում սառնամանիքի հետևանքով զոհերի թիվը գերազանցել է 70-ը

Բալկաններում, Հունաստանում, Արևելյան Եվրոպայում վերջին տասնամյակի ընթացքում գրանցվել է ամենացածր ջերմաստիճանը, ինչի հետևանքով զոհվել է 73 մարդ, հայտնում է Korrespondent.net-ը՝ հղում անելով «Ազատություն ռադիոկայանին»։

Միայն այս շաբաթ Բալկաններում ցրտահարվել է 15 մարդ, որոնց մեծ մասը տարեց մարդիկ են և անօթևաններ։ Հումանիտար գործակալությունները հայտարարել են, որ ավելի քան 15 հազար փախստականներ և անօթևաններ տեղակայվել են հունական կղզիների ճամբարներում, որոնք ադեկվատ ենթակառուցվածքներ չունեն։

Համանման իրավիճակ է ստեղծվել նաև Սերբիայում, որտեղ գտնվում է ավելի քան 7500 փախստական։ Սերբիայի իշխանությունները փախստականներին կոչ են արել տեղափոխվել հատուկ ապաստարաններ։