Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
«Հյուսիս-հարավ ճանապարհային միջանցքի ներդրումային ծրագրի իրականացման պետական ոչ առևտրային կազմակերպության» գործադիր տնօրեն Արթուր Սարգսյանն աշխատանքից ազատվել է նախորդ տարվա դեկտեմբերի 29-ին: Այս մասին Yerkir.am-ի հետ զրույցում հայտնեց ՀՀ տրանսպորտի, կապի և տեղեկատվական տեխնոլոգիաների նախարարի մամուլի խոսնակ Անահիտ Առաքելյանը և նշեց, որ նոր գործադիր տնօրենի ժամանակավոր պաշտոնակատար է նշանակվել Վարդան Կարապետյանը` դեկտեմբերի 30-ին:
Նշենք, որ «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» ՊՈԱԿ-ը միավորվելու է «Տրանսպորտի ծրագրերի իրականացման գրասենյակ»-ի հետ, ինչի արդյունքում էլ տեղի են ունեցել կադրային փոփոխությունները: Աշխատանքից ազատվել է նաև «Տրանսպորտի ծրագրերի իրականացման գրասենյակ» ՊՈԱԿ-ի գործադիր տնօրեն Էմիլ Սարգսյանը և ժամանակավոր պաշտոնակատար է նշանակվել Էդուարդ Պետրոսյանը:
Տեղեկացնենք, որ երկու ՊՈԱԿ-ների միավորման գործընթացը դեռ չի ավարտվել, և մինչ այդ ՊՈԱԿ-ների տնօրենների ժամանակավոր պաշտոնակատարները կլինեն վերոնշված անձինք, իսկ միավորումից հետո կհայտարարվի մրցույթ, ինչի արդյունքում էլ կընտրվի միավորված ՊՈԱԿ-ի տնօրենը: