Հորմուզի նեղուցը կարող է բաց լինել միայն նոր կարգավիճակով․ Փույա Հոսսեինի

««Հայաստան-Իրան» զարգացման հիմնադրամ»-ի հիմնադիր Փույա Հոսսեինին ֆեյսբուքյան էջում գրել է․

«Հորմուզի նեղուցը բանակցությունների ընթացքում կբացվի միայն երկու շաբաթով, բայց Իրանի վերահսկողության, տեսչության և ինքնիշխանության ներքո:

Հորմուզի նեղուցը բաց էր նաև նախքան պատերազմը, սակայն դրա կենտրոնական անցումային ուղին համարվում էր միջազգային ջրերի գոտի, և երթևեկությունն այնտեղ ազատ էր ու առանց Իրանի վերահսկողության: Բայց հիմա, նույնիսկ այս երկու շաբաթվա ընթացքում` բանակցությունների պայմաններից մեկը այս նեղուցի նկատմամբ Իրանի և Օմանի վերահսկողության ու ինքնիշխանության ճանաչումն ու գործադրումն է:

Սա նշանակում է, որ Հորմուզի նեղուցը կմնա բաց, բայց Իրանի ու Օմանի ինքնիշխանության և վերահսկողության ներքո: Մի խոսքով, Հորմուզի նեղուցը կարող է բաց լինել միայն նոր կարգավիճակով»։