Պետական եկամուտների կոմիտեն ևս զբաղվում է Արաքսիա Սվաջյանի տվյալներով

Yerkir.am-ն ներկայացրել է ԿԳՍՄ նախարարի տեղակալ Արաքսիա Սվաջյանի՝ Կոռուպցիայի կանխարգելման հանձնաժողով ներկայացված հայտարարագրերում անհամապատասխանությունների մասին: Հանձնաժողովն այժմ իրականացնում է ստուգում:

Yerkir.am-ը նաև դիմել է ՊԵԿ նախագահ Էդուարդ Հակոբյանին հետևյալ հարցումով`

«ՀՀ ԿԳՄՍ նախարարի տեղակալ Արաքսիա Սվաջյանը Կոռուպցիայի կանխարգելման հանձնաժողով ներկայացրած 2023 և 2024 թվականների հայտարարագրեում ներկայացրել է, որ աշխատանքի վարձատրություն է ստացել Արև երեխայի զարգացման հիմնադրամից /ՀՎՀՀ 01279389/ համապատասխանաբար 66000 և 120000 դրամ:

Սակայն ՊԵԿ 2023 և 2024 թթ. ներկայացրել է զրոյական հաշվետվություններ:

Ավելին, այդ հաշվետվություններում Ա. Սվաջյանը ներկայացված է, որպես հիմնադրամի կառավարիչ, որի իրավունքը, որպես բարձրաստիճան պաշտոնատար անձ չուներ: Արև երեխայի զարգացման հիմնադրամի ֆեյսբուքյան էջից երևում է , որ հիմնադրամը 2023 և  2024 թթ. իրականացրել է գործունեություն»:

Yerkir.am-ը խնդրել է քննարկել վերոնշյալ հարցերը և արդյունքների մասին տեղեկացնել:

ՊԵԿ-ի գլխավոր քարտուղար Դավիթ Մաթևոսյանը, պատասխանելով Yerkir.am-ի հարցմանը, նշել է, որ խնդրարկվող տվյալների ստացման համար պահանջվում է կատարել լրացուցիչ աշխատանք և այն կտրամադրվի օրենքով սահմանված ժամկետում: