ՌԴ-ն եւ Իրանը քննարկել են Հյուսիս-Հարավ փոխադրամիջանցքի համատեղ զարգացումը

Ռուսաստանը եւ Իրանը քննարկել են Հյուսիս-Հարավ միջազգային փոխադրամիջանցքի համատեղ զարգացման շուրջ մտադրությունները: Այդ մասին լրագրողներին հայտնել Է ՌԴ փոխվարչապետ Ալեքսանդր Նովակը՝ ամփոփելով Գրոզնիում երկու երկրների միջկառավարական հանձնաժողովի նիստի արդյունքները:

«Մենք այսօր հաստատել ենք անհրաժեշտ առեւտրատնտեսական ենթակառուցվածքի շուտափույթ զարգացման շուրջ պայմանավորվածությունը: Խոսքը Հյուսիս-Հարավ միջանցքի զարգացման մասին Է, որը պետք Է մի քանի անգամ մեծացնի իր կարողությունները առաջիկա տասնամյակում»,-ասել Է Նովակը:

Նա հավելել Է, որ խոսքը, այդ թվում՝ Կասպից ծովում, նավահանգիստների արդիականացման, լոգիստիկ կենտրոնների ստեղծման, անհրաժեշտ ենթակառուցվածքի շինարարությանը մասնակցելու մասին Է, հաղորդել Է «Ինտերֆաքս»-ը: