Թուրքիայի վարչապետը զանգահարել է Մեդվեդևին՝ Հալեպի մասին խոսելու

Հալեպի ազատագրումից ի վեր թուրք բարձրաստիճան պաշտոնյաներն ավելի բուռն կերպով են արձագանքում Սիրիայում տիրող իրադարձություններին: Էրդողանից հետո այս անգամ էլ Հալեպի մասին է խոսել վարչապետ Յըլդըրըմը:

Ըստ «Անադոլու» գործակալության՝ Յըլդըրըմը զանգահարել է ՌԴ վարչապետ Դիմիտրի Մեդվեդևին՝ նշելով Հալեպում մարդկային կորուստները կանխելու հարցում գործողությունների կարևորությունը: 

Մեդվեդևն իր հերթին նշել է, որ Սիրիայում հրադադարի և բնակչության տեղափոխությանն ուղղված աջակցությունը շարունակելու են՝ հաստատելով Յըլդըրըմի խոսքը, թե «գործընթացը փխրուն է»: Նա նաև ցավակցություն է հայտնել Ստամբուլի Բեշիքթաշ շրջանում տեղի ունեցած պայթյունների կապակցությամբ: