Շնորհավոր անկախությանդ 25-ամյակը, Հայաստա´ն

Հայաստանի Հանրապետությունում այսօր՝  սեպտեմբերի 21-ին, նշում են Անկախության տոնը: 1991 թվականի սեպտեմբերի 21-ին անցկացված հանրաքվեով ժողովրդի ճնշող մեծամասնությունը քվեարկեց ԽՍՀՄ-ի կազմից դուրս գալու և անկախ պետություն ստեղծելու օգտին:

Անկախ Հայաստանը ձևավորվեց ժողովրդի համար ծանր մի ժամանակաշրջանում, երբ Խորհրդային միության փլուզումից հետո ստեղծված տնտեսական ճգնաժամը զուգորդվում էր Արցախում ընթացող պատերազմով: 

Անկախության 25-ամյակի առիթով Հանրապետության հրապարակում քիչ անց կմեկնարկի տոնական ռազմական շքերթը: Մայրաքաղաքում ու հանրապետության մարզերում այսօր սպասվում են բազմաթիվ տոնական միջոցառումներ: