Հոլանդը Հայաստա՞ն է գալու

Ֆրանսիայի նախագահ Ֆրանսուա Հոլանդը Հայոց ցեղասպանության զոհերի հիշատակի ոգեկոչման օրը` ապրիլի 24-ին, մտադիր է այցելել Հայաստան: Այս մասին գրում է «Հյուրիեթ» թուրքական պարբերականը: Հաղորդվում է, որ Հոլանդն ընդունել է 2012թ. նոյեմբերին Փարիզ մեկնած ՀՀ Նախագահ Սերժ Սարգսյանի` Հայաստան այցելելու հրավերը:

«Հյուրիեթ»-ը նաեւ նշում է, որ Ֆրանսիայի նախագահը պատրաստվում է «Ցեղասպանության վերաբերյալ ուժգին մեսիջ» հղել Ֆրանսիայի հայկական համայնքին մինչեւ 2014 թվականի տեղական ինքնակառավարման մարմինների ընտրությունները:

Թուրքական պարբերականն այս տեղեկությունը հաղորդում է` հղում տալով Ելիսեյան պալատի իր աղբյուրներին: Հայկական կողմից դեռեւս որեւէ պաշտոնական հայտարարություն չկա: Հոլանդի` Երեւան այցելելու մասին տեղեկատվություն չկա նաեւ ֆրանսիական մամուլում: