կարևոր
2752 դիտում, 1 տարի առաջ - 2023-03-01 15:19
Քաղաքական

ՀԱՊԿ-ի պաշտպանության նախարարների խորհրդի նիստը տեղի կունենա մայիսի 25-ին Մինսկում

ՀԱՊԿ-ի պաշտպանության նախարարների խորհրդի նիստը տեղի կունենա մայիսի 25-ին Մինսկում

ՀԱՊԿ-ի Պաշտպանության նախարարների խորհրդի նիստը տեղի կունենա մայիսի 25-ին Մինսկում: Նման հայտարարություն է արել Բելառուսի պաշտպանության նախարար Վիկտոր Խրենինը ՀԱՊԿ-ի պետությունների զինված ուժերի միջազգային ռազմական համագործակցության ստորաբաժանումների պետերի աշխատանքային հանդիպման ժամանակ: Այդ մասին «Արմենպրես»-ը տեղեկանում է БелТА գործակալությունից:

Բելառուսի պաշտպանության նախարարը նշել Է, որ այսօրվա հանդիպման ժամանակ ներկաներից յուրաքանչյուրը կբարձրաձայնի կազմակերպության ձևաչափով համագործակցության զարգացման վիճակի և հեռանկարների վերաբերյալ իր տեսլականը։

«Դա թույլ կտա մշակել ընդհանուր հայեցակարգ՝ ուղղված հետագա զարգացմանն ու ամրապնդմանը` հաշվի առնելով նոր մարտահրավերներն ու սպառնալիքները: Վստահ եմ, որ բելառուսական կողմի հնչեցրած դիրքորոշումը ձեր կողմից կներկայացվի պաշտոնակիցներիս ուշադրությանը, որոնց ուրախ կլինեմ տեսնել մայիսի 25-ին Մինսկում՝ ՀԱՊԿ-ի Պաշտպանության նախարարների խորհրդի նիստի շրջանակներում», - ասել է Վիկտոր Խրենինը։

Նրա համոզմամբ՝ այսօրվա միջոցառման արդյունքները հիմք կլինեն կազմակերպության կանոնադրական մարմինների որոշումների հետագա իրականացման համար։ Վիկտոր Խրենինը բոլորին մաղթել է արդյունավետ աշխատանք և պաշտպանության գերատեսչությունների զարգացմանն ու ՀԱՊԿ-ի պաշտպանական բաղադրիչի ամրապնդմանն ուղղված ծրագրերի իրականացում: