Պավլիկ Մանուկյանը վերակենդանացման բաժանմունքում է. տեսակցությունն արգելված է

Այս պահի դրությամբ Էրեբունի բժշկական կենտրոնում ստացիոնար բուժում է ստանում 14 հիվանդ , որից  6-ը ոստիկան են, 3-ը` «Սասնա ծռեր» խմբավորման անդամներ, մնացածը` քաղաքացիներ: Այս մասին Yerkir.am-ի հետ զրույցում ասաց առողջապահության նախարարի մամուլի քարտուղար Անահիտ Հայթայանը` ներկայացնելով վիրավորների վիճակը առավոտյան ժամը 10-ի դրությամբ:Նրա խոսքով` հուլիսի 17-ին վիրավորում ստացած Գագիկ Մկրտչյանի վիճակը ծանր կայուն է, կա դրական տեղաշարժ:

Պավլիկ Մանուկյանի ու նրա որդու վիճակը կայուն ծանր է, գտնվում են վերակենդանացման բաժանմունքում, ոստիկանի վիճակը գնահատվում է բավարար, նա հիվանդասենյակում է:

Հարցին, թե արդյոք թույլ են տվել, որ հարազատները տեսակցեն Պավլիկ Մանուկյանին և որդուն, Անահիտ Հայթայանը նշեց, որ թեև հարցի հասցեատերը առողջապահության նախարարությունը չէ, բոլոր դեպքերում, վերակենդանացման բաժանմունքում , ըստ կարգի,  արգելված է տեսակցել` առողջապահական խնդիրներից ելնելով:

Հարցին, թե ինչ է մասնավորապես նշանակում կայուն ծանր, Անահիտ Հայթայանը նշեց, որ կայուն ծանր գնահատվում է այն դեպքում, երբ իրավիճակի վատացման շանսերը նվազում են: