Պավլիկ Մանուկյանն ու նրա որդին գտնվում են վերակենդանացման բաժանմունքում

«Սասնա ծռեր» խմբի անդամներ Պավլիկ Մանուկյանն ու նրա որդին՝ Արամ Մանուկյանը, վիրահատվել են, նրանց վիճակը գնահատվում է ծանր, բայց կայուն, նրանք միացված են արհեստական շնչառության ապարատին և գտնվում են վերակենդանացման բաժանմունքում: Այս մասին գիշերը լրագրողների հետ զրույցում հայտարարել է «Էրեբունի» ԲԿ-ի գործադիր տնօրեն Միքայել Մանուկյանը: Նրա խոսքով՝ «Էրեբունի» բժշական կենտրոն ժամը 1-ին տեղափոխել են երեք հիվանդների, որոնցից մեկը ոստիկանության աշխատակից է, ունի սրունքի հրազենային վնասվածք։ Նրա վիճակը կայուն է, գտնվում է հիվանդասենյակում։ 

Նշենք, որ Պավլիկ Մանուկյանն ընդունվել է զույգ ազդրերի վնասվածքով, աջ ազդրի բազմաբեկոր կոտրվածքով, կատարվել է վիրահատություն, որից հետո տեղափոխվել է վերակենդանացման բաժանմունք: Արամ Մանուկյանն ընդունվել է ձախ ազդրի հրազենային վնասվածքով: