Անգլիան «ցտեսություն» ասաց ԵՄ-ին. թուրքական կայքերն արձագանքում են

Թուրքական կայքերը լայնորեն արձագանքել են Մեծ Բրիտանիայի՝ ԵՄ-ից դուրս գալու որոշմանը:

Արտահայտելով իրենց զարմանքը՝ կայքերը ուշադրություն են արժանացրել փաստին, որ հանրաքվեին մասնակցողների 52 տոկոսը «այո» է ասել ԵՄ-ից դուրս գալուն:

«Անգլիան «ցտեսություն» ասաց ԵՄ-ին» վերնագրված հրապարակման մեջ թուրքական Taraf կայքը նշել է, որ հանրաքվեի արդյունքներն ապշեցնող են:

Բացի հանրաքվեի արդյունքներից, թուրքական կայքերը լայնորեն լուսաբանել են նաև Բրիտանիայի վարչապետ Դևիդ Քեմերոնի հրաժարականի մասին լուրը, որը հետևեց հանրաքվեի արդյունքների հրապարակմանը:

Հանրաքվեի նախնական արդյունքների համաձայն` 16,7 մլն բրիտանացի քվեարկել է ԵՄ-ն լքելու օգտին` 52%-ը, մնալու օգտին քվեարկել է ընտրողների 48%-ը: