«Լայք» մուրող կայքերն ահաբեկում են գյուղացիներին` ցրտահարության մասին կեղծ լուրերով. Գագիկ Սուրենյան

«Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը FAcebook-ի իր էջում գրում է. «Երեկ որոշ լայք մուրող կայքեր օգտվելով վերջին օրերին դիտված ցրտահարությունների հետևանքով ստեղծված իրավիճակից, բառիս բուն իմաստով, ահաբեկել էին հատկապես Արարատյան դաշտի ազգաբնակչությանը: Իմ նկարով լուրեր էին տարածում, որ այս գիշեր սպասվում է վերջին 44 տարիների ամենացուրտ գիշերը: Րոպեների ընթացքում լուրը տարածվեց ողջ համացանցով, ինձ հարյուրավոր մարդիք կամ գրում էին կամ զանգահարում: Արմավիրի մարզում մի քանի գյուղերի բնակիչներ դուրս էին եկել դաշտ, որպեսզի ծածկեն նոր տնկած տնկիները և կրկին ծխահարեն այգիները: Կոչ ենք անում ազգաբնակչությանը եղանակի մասին նմանատիպ ծայրահեղ վերնագրեր պարունակող նյութերը տեսնելուց հետո լուրի ճշմարտացիությունը ճշտել Արտակարգ իրավիճակների նախարարության mes.am կայքից և իմ ֆեյսբուքյան էջից»: