Իմ մարտական ընկերը դեռ ավելիին է արժանի. Գրիշա Սարգսյանը՝ Հովհաննես Վարդանյանի նշանակման մասին

Միջազգային ոստիկանական ասոցիացիայի հայաստանյան մասնաճյուղի նախագահ Գրիշա Սարգսյանը ֆեյսբուքյան իր էջում գրել է. «Ես սրտանց ողջունում եմ ՀՅԴ-ի որոշումը Արաբկիրի վարչական շրջանի ղեկավարի ճիշտ ընտրության հարցում: Քանի որ Հովհաննես Ժորայի Վարդանյանը որպես հայրենասեր, պարկեշտ, ազգի նվիրյալ հայորդի, իմ մարտական ընկեր՝ անցել է փառապանծ մարտական ուղղի:

Անմնացորդ ծառայություն է մատուցել ռազմաճակատին և հայրենիքին, օրենքին և օրինականությանը, և իր մեծ լուման ունի երրորդ հանրապետության անկախության և բանակաշինության գործում: Հ. Վարդանյանը որպես Միջազգային ոստիկանական ասոցիացիայի հայաստանյան գրասենյակի առաջին փոխնախագահ բազմիցս աշխարհում սփռված հայկական գաղութներում իրավական և բարոյական աջակցություն է ցուցաբերել անօգնական հայերին:

Ես վստահ եմ, որ իմ մարտական ընկերը դեռ ավելիին է արժանի, նա փայլուն կկատարի իր վրա դրված պարտականոթյունները և կծառայի ի փառս Հայաստանի Հանրապետության, ի բարօրություն Արաբկիրի շրջանի բնակչությանը: Քեզ հաջողություն և բեղումնավոր աշխատանք ի՛մ մարտական գնդապետ ընկեր: Հարգանքներով գնդապետ Գրիշա Սարգսյան»:

Նշենք, որ Հովհաննես Վարդանյանի հարցազրույցը կարող եք կարդալ՝ այստեղ: