Վթարի է ենթարկվել դերասան Մխիթար Ավետիսյանը. Լուսանկար

Այսօր` դեկտեմբերի 20-ին, խոշոր ավտովթար է տեղի ունեցել Երևանում: Ինչպես հայտնում է Shamshyan.com-ը, ժամը 02:30-ի սահմաններում Ավան-Առինջի բնակիչ, 38-ամյա Մխիթար Ավետիսյանը Երևան-Եղվարդ ավտոճանապարհի Զովունիի խաղատների մոտ, իր վարած Nissan X-Trail մակնիշի 34 ՕV 107 համարանիշի ավտոմենքենայով դուրս է եկել ճանապարհի երթևեկելի գոտուց, բախվել բետոնե էլեկտրասյանը: Վթարի հետևանքով, ըստ նախնական տեղեկությունների զոհեր և վիրավորներ չկան:

Հարվածի արդյունքում էլ բետոնե էլեկտրասյունը տապալվել է: Դեպքի վայրում հավաքվածները պատմել են, որ վարորդը նկատելով շներին, փորձել է խույս տալ, սակայն չկարողանալով կառավարել ավտոմեքենան` հարվածել է բետոնե սյանը: Ֆոտոլրագրողը հայտնում է, որ վարորդ Մ. Ավետիսյանը ճանաչված դերասան և հաղորդավար է: