Հավաքականի կազմում խաղալը մեծ պատիվ է. Կարեն Գրիգորյան

Արդեն հայտնել ենք, որ շախմատի Հայաստանի տղամարդկանց և կանանց հավաքականները քիչ առաջ վերադարձել են Երևան: Հայաստանի տղամարդկանց հավաքականի նորեկ Կարեն Գրիգորյանը «Զվարթնոց» օդանավակայանում խոսեց Եվրոպայի առաջնության մասին:

 «Մրցաշարն անցավ շատ լարված պայքարում: Նույնիսկ վերջին տուրից հետո վստահ չէինք որ գրավել ենք մրցանակային տեղ, քանի որ 2-4 տեղերն էինք կիսում, սակայն լրացուցիչ միավորներով կարողացանք գրավել 2-րդ հորիզոնականը:

Այս հավաքականի կազմում խաղալն ինձ համար մեծ պատիվ է: Ներքուստ լարվածություն կար ինձ մոտ, քանի որ առաջին անգամ էի մասնակցում: Մեր թիմում շատ ջերմ մթնոլորտ է, և դա պատճառներից մեկն է, որ ունենք ուժեղ հավաքական»-ասաց Գրիգորյանը:

 Հիշեցնենք, որ Ռեյկյավիկում անցկացված շախմատի Եվրոպայի թիմային առաջնություն շախմատի Հայաստանի տղամարդկանց հավաքականը նվաճել էր փոխչեմպիոնի կոչումը: