Ցանկացած կտրուկ և արմատական գործողություն կարող է վնասել ԼՂ խաղաղ կարգավորմանը. Սերգեյ Լավրով

Այսօր Երևանում կայացած  Նալբանդյան- Լավրով համատեղ ասուլիսում ԵԽԽՎ քաղաքական հարցերով հանձնաժողովում հավանության արժանացած` բրիտանացի պատգամավոր Ռոբերտ Ուոլթերի հակահայ զեկույցը մեկնաբանեց նաեւ ՌԴ ԱԳ նախարարը: 

Սերգեյ Լավրովը նշեց, որ ՄԽ համանախագահները, որոնց թվում է Ռուսաստանը ներկայացնող համանախագահը, հանդես են գալիս ԼՂ կարգավորման հետևողական, համառ երկխոսության միջոցով կարգավորումներ գտնելու դիրքերից:

«Խնդիրը, իհարկե, այնքան բարդ է իր պատմությամբ, որպեսզի երկխոսության փոխարեն հնարավոր լիներ հարցը հանել տարբեր միջազգային հարթակներ, որոնք չեն զբաղվում ԼՂ խնդրի կարգավորմամբ, որովհետև նման մանդատ միջազգային հանրությունը չի տվել: ՄԽ համանախագահները աշխատում են կողմերի այն համաձայնությունների հիման վրա, որոնցով ՄԱԿ-ի Անվտանգության խորհուրդը լիազորել է այդ եռյակին` որպես  միջնորդ ԼՂ կարգավորման հարցում: Եվ ցանկացած կտրուկ ու արմատական գործողություն, որ կողմն էլ այն նախաձեռնի, կարող է վնասել խաղաղ կարգավորմանը և ՄԽ համանախագահների աշխատանքին»,- ասաց Սերգեյ Լավրովը` հավելելով, որ ՄԽ համանախագահները ակտիվ աշխատում են, թեև ոչ միշտ են գործում հրապարակային, սակայն շարունակական կապի մեջ են գտնվում կողմերի հետ` թե\' ԱԳ նախարարների մակարդակով, թե\' իրենց հատուկ ներկայացուցիչների միջոցով: