Շտաբի ամենօրյա, սիստեմատիկ նիստեր են լինելու. Վահրամ Բաղդասարյան

ՀՀԿ խմբակցության ղեկավար Վահրամ Բաղդասարյանն այսօր խորհրդարանում Yerkir.am-ի հետ զրույցում անդրադարձավ իր`ՀՀԿ-ի շտաբի պետի տեղակալի՝ առաջիկայում սպասվելիք գործունեությանը:

«Առաջիկա երկու օրվա ընթացքում ամեն ինչ պարզ կլինի: Շտաբի ամենօրյա, սիստեմատիկ նիստեր են լինելու, նաև մարզային հարցերն ենք քննարկելու: Մեծամասնական պատգամավորների հետ կազմակերպչական հարցեր ենք իրականացնելու ամբողջ Հայաստանի տարածքով, որպեսզի սահմանադրական բարեփոխումները հասանելի դարձնենք հանրության համար»,- ասաց Բաղդասարյանը:

Հարցին, թե արդյունավետ համարում է դահլիճայի՞ն, թե՞ հանրահավաքային հանդիպումները, պատասխանեց. «Երկուսն էլ արդարացված են: Պետք է նկատի ունենալ տարածքը, եղանակային պայմանները: Դահլիճային հանդիպումների ընթացքում կարողանում ենք ավելի հանգիստ վիճակում խորհրդակցել: Երկու հանդիպումներն էլ անհրաժեշտ են»: