Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
2 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
3 ժամ առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
3 ժամ առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
3 ժամ առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
4 ժամ առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
4 ժամ առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
4 ժամ առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
4 ժամ առաջ Հասարակություն
Ուկրաինան Կանադայից կստանա NASAMS հակաօդային պաշտպանության համակարգը
20 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
20 ժամ առաջ Քաղաքական

0 դիտում,

9 տարի առաջ - 2015-07-14 14:01

Իրավական

Երևանում սպանված գործարարը, որևէ վտանգ չզգալով, բացել է դուռը

Ինչպես հաղորդում է Փաստինֆո-ն, հուլիսի 12-ին Երևանում տեղի ունեցած հերթական սպանության մեջ առայժմ շատ են առեղծվածային դիպվածները, որոնք, հուսանք, կբացահայտվեն նախաքննության ընթացքում:

Հիշեցնենք՝ 2 օր առաջ Մալաթիա-Սեբաստիա վարչական շրջանի Օհանովի փողոցի 17 շենքի 14 բնակարանում հայտնաբերվել էր ՌԴ քաղաքացի` 46-ամյա Համլետ Ասատրյանի դին` արյունաշաղախ վիճակում և պարանոցին հրազենային վնասվածքներով:

Հետաքրքրական է, որ, ըստ «Հայկական ժամանակի» հարցումների, հարևաններից ոչ ոք այդ օրը շենքում ոչ մի կասկածելի մարդու չի հանդիպել, նույնիսկ` կրակոցների ձայներ չի լսել: Սակայն հարևանները թերթի թղթակցին ասել են, որ բնակարանի դռան վերևում տեսախցիկ է եղել տեղադրված։

Ի դեպ, հետաքրքրական է, որ դեպքից հետո, ՀՀ ՔԿ տարածած պաշտոնական տեղեկատվության համաձայն, «դեպքի վայրի զննությամբ տան ննջասենյակի պահարանի միջից հայտնաբերվել է 10 սմ երկարությամբ սև գույնի ատրճանակ»:

Միաժամանակ, «Փաստինֆո»-ի ունեցած տեղեկություններով, տանտերը սպանության ժամանակ եղել է տնային հագուստով, իսկ դիակը հայտնաբերվել է նախասրահում, ինչը վկայում է, որ նա անձամբ է բացել դուռը, թերևս ճանաչել է հյուրերին։ Համենայն դեպս, կասկածելի բան նկատելու դեպքում, կարծում ենք, կվերցներ ննջարանի պահարանի ատրճանակը։

«Իսկ փաստը, որ բնակարանում ունեցած զենքն այդպես էլ մնացել է իր տեղում, ցույց է տալիս, որ տանտերը որևէ վտանգ չի զգացել ու չի էլ կասկածել, թե եկվորները վատ նպատակով են եկել:

Ի դեպ, մեր տեղեկություններով՝ սպանվածի վրա երկու տարբեր ինքնաձիգներից են կրակել: Իսկ տարօրինակն այն է, որ բնակարանում ոչ մի պարկուճ չի հայտնաբերվել: Իսկ սա արդեն վկայում է այն մասին, որ մարդասպանները չեն շտապել լքել հանցագործության վայրը, և այնքան արհեստավարժ են եղել, որ հավաքել են հանցագործության ապացույցներն ու տարել իրենց հետ:

Նշենք, որ արդեն իսկ Հայատան է ժամանել սպանվածի կինը, ով, մեր տեղեկություններով, մասնակցում է բոլոր քննչական գործողություններին:

Նշենք, որ, ըստ մամուլի, քաղաքացի 46-ամյա Համլետ Ասատրյանը Հայաստան էր եկել մի քանի օր առաջ՝ հուլիսի 9-ին` հանգստանալու նպատակով: Նա բնակվում էր Ռոստովի մարզի Ազով քաղաքում՝ կնոջ և երեխաների հետ:

Ասատրյանը ծնունդով Գեղարքունիքի մարզի Ծովինար գյուղից է, սակայն շուրջ 20 տարի է, ինչ հեռացել էր հայրենի գյուղից ու բնակություն հաստատել Ռոստովում և համարվում է կայացած գործարար։»,- կարդում ենք «Փաստինֆո»-ում: