Վայոց ձորում զինվորականների մեքենան գլորվել է ձորը. կա զոհ

Երեկ  ողբերգական ավտովթար է տեղի ունեցել Վայոց ձորի մարզում: Ժամը 21:00-ի սահմաններում «Նիվա» մակնիշի ավտոմեքենայի վարորդը Հորադիս գյուղատեղի տանող դաշտամիջյան ճանապարհին դուրս է եկել երթևեկելի գոտուց և մոտ 250 մետր գլորվել ձորը:

Yerkir.am-ին ոստիկանությունից հայտնեցին, որ վթարի հետևանքով հիվանդանոց տեղափոխված ուղևորներից մեկը՝ 58-ամյա Ս Գևորգյանը, մահացել է, իսկ վթարի հետևանքով վիրավորված` 51-ամյա Հ. Գևորգյանը և 48-ամյա Մ. Մարգարյանը գտնվում են հիվանդանոցում:

 Shamshyan.com-ի  տեղեկություններով՝ վիրավորներից Հ. Գևորգյանը աշխատում է ՀՀ ՊՆ Վայքի զինկոմիսարիատում՝ որպես զորահավաքային բաժանմունքի սպա, իսկ Մ. Մարգարյանը` Վայքի վարժարանում՝ որպես զինղեկ:

Վթարի հանգամանքները պարզվում են: