Ադրբեջանում մայիսի 16-ին հացադուլի ակցիա տեղի կունենա

Արդեն հայտնել ենք, որ Ադրբեջանի  «Մուսավաթ»կուսակցության շտաբ-բնակարանում  հացադուլ է սկսվել՝ քաղբանտարկյալների ազատ արձակելու պահանջով: 

Сontact.az-ը հայտնում է, որ վաղը Բաքվում, Սումգայիթում և Ադրբեջանի շատ այլ շրջաններում  մեկօրյա հացադուլ տեղի կունենա:

Ակցիան անցկացվելու է ի նշան մայիսի 12-ից կուսակցության շտաբ-բնակարանում սկսված հացադուլի մասնակիցների հետ համերաշխության:

Ակցիայի առաջին օրից դրան մասնակցում է 5 մարդ Բաքվում և մեկը՝ Մասալինի շրջանում:
Մայիսի 14-ից հացադուլի մասնակիցներին է միացել ևս երեք ակտիվիստ:

Կուսակցության տարածած մամուլի հաղորդագրության մեջ նշվում է, որ ողջ երկրում մեկօրյա հացադուլի մասին որոշումը կայացվել է բազմաթիվ ակտիվիստների պահանջով: