Սիրիայի ընդդիմությունը խնդրանքով դիմել է Նազարբաևին

Սիրիական ընդդիմության ներկայացուցիչները պաշտոնական դիմում են հղել Ղազախստանի նախագահ Նուրսուլթան Նազարբաևին՝ Սիրիական հարցով հետագա բանակցություններին միջամտելու խնդրանքով. հայտնում է РИА Новости-ն։

Նամակը ստորագրել է ընդդիմության 7 ներկայացուցիչ: Հեղինակները երախտապարտ են ռուսական իշխանություններին` սիրիական ճգնաժամը քաղաքական ճանապարհով կարգավորելու` նրանց ջանքերի և համառ փորձերի համար։

«Այնուամենայնիվ, մենք կենսական անհրաժեշտություն ենք համարում շարունակել մեր քննարկումները հետևողական և կառուցվածքային հարթակի հաստատման նպատակով՝ բաղկացած  իրական և կառուցողական ընդդիմադիրների խմբից»,- ասվում է նամակում։