ՀՀԿ-ական` 12 տարվա փոխնախարարը հրաժեշտ կտա պաշտոնին

Yerkir.am-ի տեղեկություններով` առաջիկայում կադրային փոփոխություններ են սպասվում աշխատանքի եւ սոցիալական հարցերի նախարարությունում: Մեր աղբյուրները տեղեկացնում են, որ առաջիկա օրերին պաշտոնանկ կարվի փոխնախարար Ֆիլարետ Բերիկյանը:

ՀՀԿ-ական փոխնախարարը 64 տարեկան է: Ասում են՝ նրան կփոխարինի դրսում կրթություն ստացած մի երիտասարդ, որի անունը մեզ դեռեւս հայտնի չէ: Հիշեցնենք, որ Բերիկյանը փոխնախարարի պաշտոնին է 2003-ից՝ արդեն 12 տարի:

Սոցապ նախարարությունում կրճատումներն այսքանով չեն սահմանափակվի: Տեղեկություններ կան, որ այս նախարարությունում սերնդափոխության հարցն ավելի հստակ է դրված: Ի դեպ, ամպեր են կուտակվել նաեւ նախարարի առաջին տեղակալ Արայիկ Պետրոսյանի գլխին: