Պուտինը կոչ է արել ընտրել Նազարբաևին

Աստանայում մեկնարկել է Պուտին-Նազարբաև-Լուկաշենկո հանդիպումը: Կողմերը կքննարկեն երկկողմ համագործակցության, համաշխարհային շուկայում տիրող իրավիճակի, ուկրաինական ճգնաժամի վերաբերյալ հարցեր:

Московский комсомолец-ը, սակայն, հայտնում է, որ հանդիպումը սկսվել է Ղազախստանի ներքաղաքական հարցերի քննարկումից: ՌԴ նախագահ Վլադիմիր Պուտինը շտապել է իր աջակցությունը հայտնել Նուրսուլթան Նազարբաևին առաջիկա արտահերթ նախագահական ընտրություններում: 

«Այն մարդկանց համար, ովքեր սիրում են Ղազախստանը, ում համար թանկ է երկրի  կայուն զարգացումը, իհարկե, այդ օրը կարևոր կլինի աջակցել նախագահ Նազարբաևին: Եվ ես, իհարկե, այդ մարդկանց թվում եմ»,- ասել է Պուտինը: