Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Մարտի 19-ին հակառակորդի կողմից իրականացված հարձակման արդյունքում հրազենային վիրավորում ստացած զինվորներից մեկը՝ Ժիրայր Նալբանդյանը, Կարբի գյուղից է: Նա այս պահին գտնվում է Ստեփանակերտի հոսպիտալում, վիճակը ծանր է: Այս մասին Yerkir.am-ի հետ զրույցում ասաց Կարբիի գյուղապետ Կարո Բաղդասարյանը:
«Ասում են, որ կյանքին վտանք չի սպառնում: Ոտքերից է վիրավորվել, ինչպես նաև որովայնի հատվածում»,- նշեց նա՝ հավելելով. «Ընտանիքում կա երեք տղա, մեկը դպրոցական է, մյուսն էլ դպրոցն ավարտել է, պետք է զորակոչվի բանակ»:
Կարո Բաղդասարյանը մեզ հետ զրույցում նշեց նաև, որ վիրավորված զինծառայողի ընտանիքն անապահով է, ծնողները չեն աշխատում: Հայտնեց նաև, որ Ժիրայրը մեկ տարի է, ինչ զորակոչվել է բանակ:
Մեր տեղեկություններով՝ վիրավորված զինծառայողը սովորում է Երևանի ֆիզիկական կուլտուրայի պետական ինստիտուտի առաջին կուրսում:
Ավելի վաղ հայտնել էինք, որ մարտի 19-ին՝ ժամը 8:30-ի սահմաններում, հակառակորդի հատուկ նշանակության ջոկատի ուժեղացված հարձակում էր ձեռնարկել հյուսիսային (Գյուլիստանի) ուղղությամբ տեղակայված դիրքերի վրա: