Ամենաշատը տուժել է իմ որդին. Դինքին սպանողի հայրը դիմել է դատարան

Հրանտ Դինքին սպանող Օգյուն Սամասթի հայրը հայտնել է, որ Հրանտ Դինքից և նրա ընտանիքից հետո ամենաշատը տուժել է իր որդին:

Ըստ Haberturk-ի՝ Սամասթի հայրը՝ Ահմեդ Սամասթը, ով դժգոհ է որդու ձերբակալման մասին դատարանի որոշումից, հայտնել է, որ նա, ով դրամական փոխհատուցման է դատապարտվել զոհի անվտանգությունը չապահովելու համար, այդպես էլ չի կանխել 16-ամյա երեխայի հանցագործությունը:

Նշելով, որ պետությունն իր իսկական պարտականությունները չի կատարել, Սամասթը պահանջել է դատարանի որոշման չեղարկում:

Դինքի ընտանիքը 2008 թվականին Թուրքիայի ներքին գործերի նախարարությանը դատի էր տվել: Դատարանի որոշմամբ՝ նախարարությունը պարտավորվել էր 1 միլիոն 659 հազար լիրա դրամական փոխհատուցում հատկացնել Դինքի ընտանիքին: Սակայն նախարարությունը դիմել էր դատարան՝ փոխհատուցման գումարը պահանջելով Դինքի սպանության կազմակերպիչներ Յասին Հայալից, Էրսին Յոլջուից, Ահմեդ Իսքենդերից և Օգյուն Սամասթից: