Քենեդուն սպանողի դագաղը վաճառվել է 87 հազար դոլարով

ԱՄՆ 35-րդ նախագահ Ջոն Քենեդու սպանության մեջ մեղադրված Լի Հարվի Օսվալդի դագաղը դեկտեմբերի 16-ի աճուրդում վաճառվեց 87 հազար 496 դոլարով, հայտնում է France-Presse գործակալությունը:

Աճուրդի ներկայացուցիչների խոսքով՝ լոտը մեծ հետաքրքրություն էր առաջացրել գնորդների շրջանում, եւ սպասվում էր, որ նրանք հիմնականում կներկայացնեն ամերիկյան պատմության թանգարանները:

Գնորդի անունը դեռ հայտնի չէ, սակայն ենթադրվում է, որ հաջողակ գնորդը դեկտեմբերի 17-ին հանդես կգա պաշտոնական հայտարարությամբ:

Դագաղը 1981թ. Օսվալդի կնոջ պահանջով հանվեց հողից, որովհետեւ այրին չէր հավատում, որ այնտեղ ամուսնու աճյունն է: Այդուամենայնիվ, փորձաքննությունը ցույց տվեց, որ դագաղում Լի Հարվին է:

Էքսգումացիայից հետո նախագահին սպանողը վերաթաղվեց նոր դագաղում. հինը ժամանակի ընթացքում քայքայվել էր, այն դագաղը, որն այսօր վաճառվաց աճուրդում: