Ադրբեջանի ՊՆ-ն հայտնել է ևս մեկ զոհի մասին

 Ադրբեջանի պաշտպանության նախարարությունը հայտնել է մարտի 13-ին առաջնագծում զինծառայող Օրխան Վագիֆ օղլու Գուլիևի մահվան մասին. գրում է haqqin.az-ը:

Տեղեկության համաձայն՝ զինծառայողը զոհվել է առաջնագծում հրադադարի ռեժիմի խախտման հետևանքով: Սակայն միջադեպի հստակ վայրը կամ այլ մանրամասներ նշված չեն:

Հիշեցնենք, որ մարտի 12-ին Ադրբեջանի ՊՆ-ն դարձյալ տեղեկություն էր տարածել «հայկական դիվերսիոն փորձի» մասին և հայտնել Ատաև Անար Մամեդ օղլուի մահվան մասին: Օրեր առաջ, ԼՂՀ ՊՆ-ի տեղեկացմամբ, ադրբեջանական կողմն իր դիվերսիոն փորձի արդյունքում 7 կորուստ էր ունեցել: Չի բացառվում, որ Ադրբեջանը սկսել է ջրի երես հանել այդ օրվա զոհերին: