Օսմանյան արխիվից «անհետացել են» Հայոց ցեղասպանությանը վերաբերող փաստաթղթեր

Թուրքիայի Պատմական ընկերակցության պաշտոնյան 1915 թվականի մասին փաստաթուղթը վերցրել է օսմանյան արխիվներից և այն պահել այլ ընկերության արխիվում:

«Իթթիհատականի արկղը» գրաշարը հրատարակած լրագրող Մուրաթ Բարդաքչըն, նշելով, որ դա չի եղել պաշտոնական որոշմամբ, այլ անձնական նախաձեռնությամբ, հայտնել է, որ «ընկերակցության նոր ղեկավարությունն անգամ չգիտի, թե փաստաթուղթն այժմ որտեղ է պահվում»:

Ըստ Մուրաթ Բարդաքչըի՝ լավ ուսումնասիրությունների արդյունքում կարող են բացահայտվել բոլոր փաստաթղթերի պահման վայրերը: Ըստ նրա՝ «անհայտացած» արխիվում են եղել փաստաթղթեր 1915 թվականին հայերի թվի, անունների, որ տեղահանման ու աքսորման վայրերի, աքսորվածների ունեցվածքի վերաբերյալ, ինչպես նաև տեղեկություններ այն անհատների և կազմակերպությունների մասին, որոնք «ստանձնել են» հայերին պատկանող վայրերի և ունեցվածքի սեփականատիրությունը:

Բարդաքչըն իր գրքերում ներկայացվում է Հայկական հարցի մասին Թալեաթ փաշայի և իթթիհատականների՝ միմյանց միջեւ հատուկ նամակագրությունը, որոնց մասին ամեն առիթով պետությունը հայտնում է, թե «բոլորի ուսումնասիրությունների համար բաց են»: