Թվայնացվել են Ցեղասպանությանը վերաբերող մի շարք արժեքավոր փաստաթղթեր

Թուրք հայտնի պատմաբան, սոցիոլոգ Թաներ Աքչամը թվայնացրել է հոգևորական Գրիգոր Գերգերյանի արխիվային փաստաթղթերը, որով ի դերև են ելնում թուրքական կառավարության 100-ամյա այն պնդումները, ըստ որոնց` Օսմանյան կառավարությունը հայերին վերացնելու հրաման չէր տվել. հաղորդում է  siyasihaber4.org կայքը:

Հայ և թուրք գիտնականներից կազմված 11 հոգանոց անձնակազմի կողմից թուրքերեն և անգլերեն են թարգմանվել 1915 թվականով թվագրվող մի շարք կարևոր փաստաթղթեր, որոնք կարևոր են թուրք ազգայնականների պնդումներն ապացույցներով ժխտելու տեսանկյունից: Արխիվը պատկանում է ԱՄՆ Կլարկ համալսարանի դասախոս, պրոֆեսոր Թաներ Աքչամին:

Գրիգոր Գերգերյանը ծնվել էր 1911 թ. Սեբաստիայում: Աքսորի ժամանակ ականատես է եղել ծնողների և 12 եղբայրներից 6-ի սպանվելուն: Տեղափոխվել է Կահիրե և որոշել դառնալ հոգևորական` տեղափոխվելով Հռոմ: Ամբողջ կյանքը նվիրել է Ցեղասպանության վերաբերյալ նյութերն ուսումնասիրելուն: