Ինքնասպանության երեք փորձ՝ մեկ օրում

Վերջին երկու օրերին հանրապետությունում ինքնասպանության միանգամից 4 դեպք է գրանցվել: Այսպես` «Փաստինֆո»-ի տեղեկություններով` Ագրարային համալսարանի քոլեջի երրորդ կուրսի ուսանողուհի` 16-ամյա Մարինեն երեկ հենց լսարանում փորձել է շեղբով ինքնասպանություն գործել: Երիտասարդ աղջիկը կտրել է ձախ ձեռքի նախաբազկի երակները: Ըստ հիմնական վարկածի` աղջիկն ունեցել է անձնական խնդիրներ:

Նուբարաշենի հոգեբուժական կենտրոնում էլ խարդախության մեջ մեղադրվող կալանավորը հոգեբուժարանի խցերից մեկում փորձել է կախվել սավանի միջոցով: «Փաստինֆո»-ի տեղեկություններով՝ փորձը կանխվել է հոգեբուժարանի աշխատողների կողմից:

News.am-ի տեղեկություններով` Արագածոտնի մարզի գյուղերից մեկում 18-ամյա աղջիկը չորրորդ հարկի պատուհանից ցած է նետվել: Ըստ համագյուղացիների՝ նա ինքնասպանության փորձ է արել: Աղջկան տեղափոխել են հիվանդանոց, որտեղ էլ գտնվում է հիմա: 

Դեկտեմբերի 1-ին էլ, ըստ armlur.am-ի, Երևանի Քանաքեռ-Զեյթուն վարչական շրջանում 36-ամյա Արթուրն իր բնակարան տանող աստիճանահարթակի բազրիքից կախվելու միջոցով վերջ է տվել կյանքին: