Մեկ շաբաթում գրանցվել է 280 արտակարգ դեպք, այդ թվում՝ 28 փլուզում, ինքնասպանության 17 փորձ

Մարտի 28-ից ապրիլի 3-ն ԱԻՆ ՓԾ ճգնաժամային կառավարման ազգային կենտրոնում գրանցվել է 559 դեպք, որից 280-ը արտակարգ, այդ թվում՝ 187 հրդեհի, 28 փլուզման, 17 ինքնասպանության փորձի դեպք, 46 ճանապարհատրանսպորտային պատահար, ինչպես նաև՝ 156 կենցաղային կանչ. տուժել է 68 մարդ։

ԱԻՆ-ից հայտնում են, որ նախորդ շաբաթվա ընթացքում ընդհանուր գրանցվել է 10 մահ:

Արձանագրվել է նաև թունավորման 6 դեպք:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 37 դեպք: Փրկարարներն օգնություն են ցուցաբերել 564 քաղաքացու և անվտանգ տարածք տեղափոխել ավտոճանապարհներին արգելափակված 475 տրանսպորտային միջոց:

ՀՀ ԱԻ նախարարությունը հորդորում է թե՛ կենցաղում, թե՛ ճանապարհներին լինել զգոն և խստորեն պահպանել անվտանգության կանոնները: