Զեյթունի հանրակացարանում տեղի ունեցած դանակահարության գործով ձերբակալված կա

Yerkir.am-ի տեղեկություններով`այսօր Զեյթունի հանրակացարանների մասնաշենքում կատարված դանակահարության դեպքը բացահայտվել է: Մեր տեղեկություններով` ձեռնարկված օպերատիվ հետախուզական միջոցառումների արդյունքում այսօր հայտնաբերվել և ձերբակալվել է 49-ամյա Գառնիկ Պողոսյանին դանակահարելու մեջ կասկածվող քաղաքացին:

Ինչպես yerkir.am-ը տեղեկացավ ՀՀ քննչական կոմիտեից փաստի առթիվ ՀՀ քննչական կոմիտեի Քանաքեռ-Զեյթուն վարչական շրջանի քննչական բաժնում հարուցվել է քրեական գործ ՀՀ ՔՕ 104-րդ հոդվածի 1-ին մասի հատկանիշներով (Սպանությունը՝ ապօրինաբար մեկ ուրիշին դիտավորությամբ կյանքից զրկելը): Գործի նախաքննությունը շարունակվում է:

Մանրամասների մաին կտեղեկացնենք լրացուցիչ: