Արմավիրում տեղի ունեցած դանակահարության գործով ձերբակալված կա

Արմավիրի մարզում գիշերը տեղի ունեցած դանակահարության գործով ձերբակալված կա: Այս տեղեկությունը Yerkir.am-ի հետ զրույցում հաստատեցին ՀՀ քննչական կոմիտեից:

ՔԿ-ից մեզ հայտնեցին որ դեպքի կապակցությամբ հարուցվել է քրեական գործ ՀՀ քրեական օրենսգրքի 112-րդ հոդվածի 1-ին մասի՝ դիտավորությամբ առողջությանը ծանր վնաս պատճառելու հատկանիշներով:

Ավելի վաղ հայտնել ենք, որ երեկ Արմավիրի մարզում վիճաբանությունն ավարտվել է դանակահարությամբ: Ժամը 21։30-ի սահմաններում Վաղարշապատի բժշկական կենտրոնից ոստիկանության Վաղարշապատի բաժին հայտնել են, որ «կրծքավանդակի կտրած-ծակած վերքեր» ախտորոշմամբ իրենց մոտ են տեղափոխել 17-ամյա Հ. Տաշչյանին: Վնասվածքներով նույն հիվանդանոց են տեղափոխվել Ս. Հակոբյանը, Հ. Եսայանը և Հ. Սարգսյանը։

Yerkir.am-ին Վաղարշապատի հիվանդանոցից հայտնեցին որ կրծքավանդակի շրջանում վիրավորում ստացած անչափահասին վիրահատել են, և այս պահին 4 հիվանդների վիճակը գնահատվում է բավարար: