Մշակույթի նախարարությունը սպառել է ամբողջ գումարը, հունիս-հուլիս ամիսներին ծախսելու գումար չենք ունենալու. նախարար

Մշակույթի նախարարությունը ոչ մի գործ չի ուղարկել ԱԱԾ. խորհրդարանում լրագրողներին հայտնեց մշակույթի նախարար Լիլիթ Մակունցը:

Նրա խոսքով՝ նախարարությունն իրականացրել է միջոցառումներ, որոնք բյուջեի չափերի մեջ չեն տեղավորվել: «Դրանք խոհեմ ձևով չեն ծախսվել։ Այն, ինչ նախատեսված է եղել եռամսյակի համար, խոհեմ չի ծախսվել։ Մասնավորապես` խոսքը միջոցառումների մասին է, որոնց համար մոտ 1.2 մլրդ դրամ գումար է տարեկան հատկացվում»,- տեղեկացրեց նորանշանակ նախարարը։

Ըստ Մակունցի՝ եթե նախորդ կառավարության կողմից ընթացք տրված ծրագրերն ամբողջությամբ հաստատվեն, ապա դրանց կյանքի կոչման համար գումարներ այս պահին չկան: «Մենք սպառել ենք ամբողջ գումարները և հունիս-հուլիս ամիսներին գումար չենք ունենալու, որ ծախսենք»,- նշեց նա։