Անցկացվեց սամբոյի` Գառնիկ Հովհաննիսյանի անվան 19-րդ հուշամրցաշարը

«Աշխատանք» մարզադահլիճում ավարտվել է սամբոյի ու ձյուդոյի օլիմպիական մանկապատանեկան մարզադպրոցի կազմակերպված` ըմբշամարտի ձևերից առաջին աշխարհի չեմպիոն Գառնիկ Հովհաննիսյանի անվան սամբոյի 19-րդ ավանդական հուշամրցաշարը: Մասնակցում էին մարզիկներ Երևանից, Շիրակի, Լոռվա, Տավուշի, Կոտայքի, Արարատի մարզերից, Արցախից և Բանակի կենտրոնական մարզական ակումբից:

Ըստ քաշային կարգերի մրցաշարի հաղթողներ են դարձել՝

48 կգ - Արման Նիազյան (Տավուշի մարզ, գ. Սևքար),

52 կգ - Հարություն Սարգսյան (Աբովյան),

57 կգ - Տիգրան Կիրակոսյան (Վանաձոր),

62 կգ - Արեն Անտոնյան (ԲԿՄԱ),

68 կգ - Գոռ Մայիլյան (Գյումրի),

74 կգ - Ռաֆիկ Մանուկյան (Սպիտակ),

82 կգ - Մհեր Կարապետյան (ԲԿՄԱ),

90 կգ - Էդիկ Պետրոսյան (Սպիտակ),

100 կգ - Էդուարդ Հակոբյան (Երևան),

+100 կգ - Էդուարդ Դավթյան (Արտաշատ):

Բոլոր քաշային կարգերում հաղթողներն ու մրցանակակիրները պարգևատրվել են համապատասխան հավաստագրերով և մեդալներով, իսկ 62 կգ քաշային կարգում (որում ժամանակին հանդես է եկել լեգենդար մարզիկը) հաղթող ճանաչված Արեն Անտոնյանն արժանացել է նաև հատուկ գավաթի և դրամական պարգևի: Այս մասին տեղեկացնում է սպորտի և երիտասարդության նախարարության պաշտոնական կայքը: