Ցմահ դատապարտվել է Թուրքիայի 9-րդ նախագահը

Թուրքիայում 1980-ի սեպտեմբերի 12-ի կատարված ռազմական հեղաշրջման գլխավոր հեղինակ Քենան Էվրենն ու Թահսին Շահինքայան դատապարտվել են ցմահ ազատազրկման։

Ըստ Milliyet-ի՝ Անկարայի ծանր հանցագործությունների 12-րդ դատարանում 1980-ի սեպտեմբերի 12-ի հեղաշրջման գործով վերջին դատական նիստի ժամանակ դատարանը որոշում է կայացրել ցմահ ազատազրկել Թուրքիայի ԶՈՒ նախկին գլխավոր շտաբի պետ, նախկին նախագահ Քենան Էվրենին և Թուրքիայի օդուժերի նախկին հրամանատար Թահսին Շահինքայային: Է

Էվրենի դեմ ներկայացված են «հեղաշրջման իրականացում» եւ «զենքով սահմանադրական կարգի փոփոխություն» մեղադրանքները։

Նշենք, որ 2010-ի սեպտեմբերի 12-ի հանրաքվեով Թուրքիայի Սահմանադրության մեջ փոփոխություն կատարվեց, որն արգելում էր դատապարտել 1980 թվականի հեղաշրջման մասնակիցներին։

Քենան Էվրենը ներկայումս 97 տարեկան է։