Ուկրաինան Հայաստան է վերադարձրել իր դեսպանին

Ուկրաինան  հետ է ուղարկել Երևան ՀՀ-ում իր դեսպան Իվան Կուխտային: Այդ մասին հայտնում է РБК-ն՝ վկայակոչելով ԱԳՆ տեղեկատվական քաղաքականության դեպարտամենտի տնօրեն Եվգենի Պերեբիյնիսին: Այս շաբաթ նա արդեն իր պարտականությունների կատարմանն է անցել:

Պերեբիյնիսի խոսքով՝ Ուկրաինայի ԱԳՆ-ն դեսպանին վերադարձնելու որոշում է կայացրել այն բանից հետո, երբ Հայաստանը հաղթանակի առթիվ շնորհավորել է Ուկրաինայի նորընտիր նախագահ Պյոտր Պորոշենկոյին:

Հիշեցնենք, որ Ուկրաինայի ԱԳՆ-ն Կուխտային մարտի վերջին էր հետ կանչել այն բանից հետո, երբ նախագահ Սերժ Սարգսյանը դրական էր արտահայտվել Ղրիմում Ռուսաստանին միակցման հարցով հանրաքվեի անցկացման փաստի կապակցությամբ: