Դե լավ էլի, հացի խնդիր ոչ մեկ էլ չունի. Մանվել Գրիգորյան (տեսանյութ)

Այսօր հայ մարդու ամենամեծ խնդիրն է անկախությունը պահպանելը և զավակներին փոխանցելը, վատ բաները վերացնելը: Այս մասին Սարդարապատում հայտարարել է գեներալ, ԱԺ պատգամավոր Մանվել Գրիգորյանը` պատասխանելով yerkir.am-ի հարցին:

«Հացի խնդիր ոչ մեկն էլ չունեն»,- պնդել է Մանվել Գրիգորյանը:

Նա, սակայն, համաձայնել է դիտարկմանը, որ երկրից արտագաղթ կա: Հարցին, թե ինչպե՞ս կարելի է պայքարել արտագաղթի դեմ, Գրիգորյանը պատասխանել է. «Ոչ մի ձևի: Մարդկանց, որ գնում են, ուրեմն պետք ա, որ գնում են… Շատ վատ ա, պիտի նենց անենք, որ հետ գան: Պիտի ավելի լավացնենք, զարգացնենք: Վստահության խնդիր կա ավելի շատ վայթե»:

Մանվել Գրիգորյանը, սակայն, նշել է, որ վստահության խնդիրը «իրենք իրենց», «իրենց երեխաների» նկատմամբ է և ոչ թե իշխանությունների:

Անդրադառնալով նրան, որ Ադրբեջանը շարունակում է զինվել ռուսական զենքով, Մանվել Գրիգորյանն ասել է, որ երբ պատերազմը սկսվի, ադրբեջանցիներն իրենց գնված տեխնիկան «մեզ հետ կիսելու են»:

Գրիգորյանի կարծիքով` Մաքսային միությունը չի կարող սպառնալ Հայաստանի անկախությանը: