«Պախկված» տեղից պետք է դուրս գալ. Հրայր Թովմասյանը` Ռոբերտ Քոչարյանին

Արդարադատության նախարարի պաշտոնակատար Հրայր Թովմասյանը համաձայն չէ երկրորդ նախագահ Ռոբերտ Քոչարյանի այն կարծիքի հետ, թե  սահմանադրական բարեփոխումներն անհրաժեշտ չեն Հայաստանին, որովհետև մի շարք խնդիրներ կարելի է լուծել խորհրդարանական համակարգի միջոցով:

Պատասխանելով այն հարցին, թե ինչպես է վերաբերվում այն բանին, որ Ռոբերտ Քոչարյանը պարբերաբար հանդես է գալիս հարցազրույցներով, նա պատասխանեց. «Ինձ համար, որպես քաղաքական երևույթ, անհասկանալի է  «պախկված»  տեղից ժամանակ առ ժամանակ ինչ-որ բաներ ասելը: Եթե քաղաքական հայտ կա ներկայացնելու, դա պետք է անել բացահայտ: Անցել են այն ժամանակները, որ քողարկված, ժամանակ առ ժամանակ քայլեր էին կատարվում: Եթե դու ուզում ես քաղաքականություն վերադառնալ, ապա պետք է բացահայտ ասել այդ մասին, նշես, թե որոնք են քո ծրագրերը, և նման գործելաոճին վերջ տալ»: