Փոխարժեքներ
07 10 2024
|
||
---|---|---|
USD | ⚊ | $ 386.99 |
EUR | ⚊ | € 426.85 |
RUB | ⚊ | ₽ 4.07 |
GBP | ⚊ | £ 509.55 |
GEL | ⚊ | ₾ 141.53 |
Կառավարության այսօրվա նիստը վարչապետ Տիգրան Սարգսյանը սկսեց պարտադիր կենսաթոշակային համակարգի ռեֆորմի վերաբերյալ հայտարարությամբ:
Նա արձանագրեց, որ Հայաստանում ձևավորվում է քաղաքացիական հասարակություն, որը թելադրում է իր կանոնները: «Դա նշանակում է, որ մենք` որպես կառավարություն, պետք է շտկենք մեր գործունեությունը»,- նշեց վարչապետը` հավելելով, որ կառավարությունը պետք է այնպես անի, որ իր գործունեությամբ բավարարի քաղաքացիական հասարակության պահանջները:
Անդրադառնալով պարտադիր կուտակայինի դեմ ակտիվորեն հանդես եկող «Դեմ եմ պարտադիրին» շարժմանը` Տիգրան Սարգսյանը նշեց, որ դրա անդամները հիմնականում երիտասարդներ են, որոնք կառավարությանը դիմում են բազմաթիվ նամակներով, եւ դրանցում մտահոգություն կա երկրի ապագայի վերաբերյալ: Երիտասարդները նամակներում գրում են, որ սիրում են Հայաստանը և ամեն ինչ անում են` հանուն դրա պայծառ ապագայի: Այդ նամակների տակ ստորագրում են բազմաթիվ քաղաքացիներ:
«Մենք հայտարարում ենք, որ պատրաստ ենք երկխոսության «Դեմ եմ պարտադիրին» շարժման հետ: Ամեն ինչ կամ ոչինչ տարբերակն անընդունելի է: Մենք ընդունում ենք, որ օրենքները չեն կարող լինել առանց թերությունների, և հենց այդ թերություններն են մատնանշում մեր ընդդիմադիրները: Ճիշտ պատասխանը երկխոսելն է, և մենք հրավիրում ենք երկխոսության»- ասաց Տ. Սարգսյանը:
Նա հավելեց, որ երկխոսությունը օգտակար կլինի թե' կառավարության, թե' շարժման համար: Վարչապետը հույս հայտնեց նաև, որ «Դեմ եմ»-ը կվերափոխվի ու կդառնա «Հանուն» շարժում, որը էական նշանակություն կունենա ՀՀ ապագայի զարգացման համար:
Վարչապետն ասաց նաև, որ ոգևորիչ է այն հանգամանքը, որ շարժման ակտիվիստները զերծ են մնում ակցիաների քաղաքականացումից, թույլ չեն տալիս, որպեսզի շարժումը քաղաքական ուժերի կողմից շահարկվի: